Me auguro stè feste
serene sian per noi
ch'el pan da toea non manchi
par darlo ai nostri fioi.
In fondo i nostri veci
jera za abituà
a non magnare tanto
coa boca sdentegà.
Sperem che stò siensiato
quando ch'el gà finio
nol voia anche stroparne
el buso del dadrio.
Un giorno dopo l'altro
la vita se ne va
cantava Luigi Tenco
un fià de tempo fa.
Sicuro che qua in terra
semensa non fazemo
anca se tutti i giorni
sforsandose ciavemo.
Però sti quattro giorni
passemoi da cristiani
e nò, sarài in tea cucia
sbaiando come cani.
Oh! caro Bambineo
nassendo ai nostri giorni
el te fasea pagare
anca a ti l’IMU el Monti.
Perdona la franchessa
e damme un fià nà man
noialtri non voemo
chi toe ai poareti el pan.
Ve auguremo a tutti
de passar ben le feste
magnando pochi dolsi
e un fià più de menestre.
Dazendove un baseto
strenzendove anca a man
ve auguro un fià mejo
ch’ea vaga da doman.
Iscriviti a:
Commenti sul post (Atom)
Nessun commento:
Posta un commento