venerdì 12 dicembre 2008

Franco 2 ( La Vendetta )

Continua ea storia del nostro bon Zago
Pensavo el cambiasse ma l'e' ancora mago
Capisseme ben intendo un fia' mona
Che el scettro se merita e anca a corona
Lu n'altro bel gropo el ga fato sol spago
Par non smentegasse sto ano da mago
Chel xe za passa' come i altri in te un lampo
E quei che ghe resta ze sempre un fia' manco
Ze tanti ormai i gropi in sima ch'ea corda
Non resta piu' spassio el cao ze finio
In pressa na zonta co' n'altro rocheo
E altri ottantanni el se ga garantio.
SUSUM CORDA (innalziamo i nostri cuori).
El va Insieme ai preti ch'el pare immatio
El canta el fa cene e i ga sempre drio
Me vien da pensare, ma a vita ze sua
Che lu sia un fia' prete e anca un fia' cuea.
Ghe ze so moiere che a ze desperada
In quanto ze un toco che lu non la ciava
Ghe sbrusa a cicieta ghe manca a capea
Cossi' ogni tanto ghe vien a scaldanea.
Coa suocera po' nol xe mai d'accordo
Noa ascolta coe rece el pare un fia' sordo
Ghe gira un fia' i totani sentendoea dire
Che tuta sta' pachia ea ga da finire.
Dai vanga un fia' l'orto, su pianta i sucati
sCiaresa el saturco e nega chei gati
Che nati xe jeri la drento al granaro
E butali tutti dadrio in tel leamaro
Se no' come sempre te spendi e te spandi
E a late e crochete tei tiri fin grandi.
Da bravo tosato nol dise mai gnente
El xe bevoeuo da tuta la zente
In specie da quando che drento a Imprimenda
Lu offre i buffe' che paga l'azienda.
Se ga' lu inventa con tanto bon core
Che tutti chei Zago xe degni de onore
E quindi li publica el ghe fa cartoine
Li pica sul muro come fosse veline.
El dize che questo ze un bon investimento
Par farse conoser e el pare contento
Con tuta a so sienza nol ga ancor capio
che unco' quel che conta ze tete e dadrio.
L'e' proprio stratolto e pi' nol ragiona
Ea ze a conseguenza de chi non va in mona
Che jera ea Egle a Susy e Bissotto
L'antonia co Tino e a Ornella fa otto
Ch'el se vegnu forza con n'altra cagada
Disendo che a fede el ga perso paa strada
Che pi' nol ghe crede ne a preti ne a frati
Parche' tutti quanti i da forza da mati
Mi penso ch'el jera un poco imbriago
E forse el pensava ai gropi in tel spago
Se ognuno vardasse nee proprie mudande
La macia de merda ze sempre pi' grande
A Egle a me dize che lu l'altra notte
se sveja de colpo che mai ze successo
ancor col corbato da quanta paura
Parea ch'el morisse coa testa in tel cesso
Madonna Signore su feme sta grassia
Non vojo ch'el mora saria na disgrassia
Ch'el vomita pure ma feo qua restare
Che tanti ze i debiti che el ga da pagare.
Ze tante le robe che mi voria dire
Ma sempre a putane e va po' a finire
El fa un soriseto a chitarra el me sona
E sensa creansa el me manda anca in mona.
Gavemo schersa' o caro Francheto
Ze za mezanotte finio ze el banchetto
Sto ano finise fazendo baldoria
Tiremo le somme, ci fu vera gloria ?
O so che a notte portar poe consiglio
Fazendo un bel sonno e prima un sbadiglio
Ma non smentegarte ti prima de tore
Na bea camomilla fazendo l'amore.