sabato 28 maggio 2011

Gianni e Teresina (35° matr.) pellegrinaggio a Medjugorje

Xe stà nà bea sorpresa
scoprire stamattina
che jera anniversario
de Gianni e a Teresina.
Noi gheva ditto gnente
i nostri cicisbei
perchè i no i voeva
spendere ancora schei.
Tra piere e tra rosari
strafanti e fassoetti
i ghea impienio a vaiza
e un paro de sacchetti.
Par tutti i gheva tolto
spillette e ricordini
i gheva fatto fora
un sacco de soldini.
Finimo dize Gianni
in pressa ancha sto viajo
parchè non so se i basta
i schei fin fine Majo.
Ve pare che sia giusto
e proprio necessario
che dopo i trentasinque
lo ciami anniversario ?
Passa' xe un fià de anni
amore te l'ho detto
che i fossi mi saltavo
che jero un cavareto.
Invesse al di de uncò
fazendome corajo
pà andare co a mojere
me voe del formajo.
Amore amore bello
amore amore caro
me vien in nà mente ancora
chea volta sul paiaro.
Adesso che garia
un sacco de bon tempo
me par de fare el frate
sarà dentro a un convento.
Gavem capio che Gianni
ga tanta devossion
sperando en te un miracoeo
l'è andà anca in procession.
Oh! Caro amico Gianni
oh! cara Teresina
si vegnù qua a Medjugorje
a fare un fià benzina.
Noi vi auguriam di cuore
che siate voi felici
per tanti anni ancora
assieme ai vostri amici.
Che vi vogliate bene
e andate voi d'accordo
se uno parla troppo
l'altro si faccia sordo.
Date per primi esempio
senza tanto parlare
vedrete che alla fine
da voi saprò imparare.
Fine de sta poesia
fine dea romanzina
femo cin cin coi goti
de Gianni e a Teresina.